Monday, July 02, 2007

Mexen per nós ya dicimos que llueve

Darréu de la vergüenza de Cándido y Morala, velequí una nueva fazaña de los gayasperos defensores de los valores etenros, de la democracia ya la españolidá n`Asturies: 8400 euros o un año de cárcele, a escoyer, por correxir un cartelo indicador.
Ye una cosa prestosa: a mín facíaseme que nun teniemos xueces nin fiscales nesti país, viendo con qué impunidá, con qué desfachatez se rompen les lleis, dende les de trafico dica les urbanistiques. Vese que taba yo enquivocau: l`aparatu represivu ta pa coses mas importantes, ye dicir, pa estrapallar a los cuatro pininos que siguen enfotaos en puxar pola cultura d`esti pais. Nun se trata de vixilar la economía somorguiada nin el dineru negru, nin de que`l gobiernu ya los ayuntamientos furrulen democráticamente, nin muncho menos de que los empresarios respeten les xornaes y los salarios que marquen los convenios; tratase de torgar que un jipi tenga l`atrevimientu de poner n`asturianu los nomes de los pueblos asturianos. L`aparatu represivu nun ta pa defendete a ti, súbditu, de los abusos del poder, senon tolo contrario: ta pa garantizar la permanencia d`esi poder y pa matar la disidencia.

N`Asturies nun pue falase de democracia, ainda que entamen eleiciones: tamien les faen n`Iran y n`Israel. Equi tenemos un reximen, una cadarma de poder que abarca los muérganos de la Alministración, los tribunales, los sindicatos y los medios de comunicación. Los nuesos caporales saben que, faigan lo que faigan, nun pierden votos, daquella tienen una sensacion d`impunida total.
Ainda asina, nun ye cosa de cha-yos la culpa a Areces nin al PSOE, ellos namai tomaron nota de les reaiciones de la xente y actuaron en consecuencia. La culpa tienenla los asturianos, esi 53 per cientu de panoyos que siguen votando la mesma mierda cada cuatro años, pase lo que pase. Somos un garrapiellu de cobardes y de fatos: robennos, miéntennos, esfarrapen el pais dafechu pa da-y gusto a cuatro constructoras, pero equi nun pasa un pih.u, equi nun protesta nin dios.
Equi tamos toos corrompidos: tan corruptu ye el que fae como el que consiente. La única diferencia ta en que los d`arriba corrompieronse por perres, los d`embaxo de baldre. Inda-yos tengo mas respeto a los que ganen daque con toda esta mierda.

Labels: , , ,

2 Comments:

Anonymous Franki said...

Yo inda cuido lo mesmo, nun ye que la nuesa democracia tea podría, ye que ye asina, la democracia, pesie al so nome rinbonbante, nun ye'l "poder del pueblu", ye una apariencia de control, un espectáculu que los más creense y asina ye más fácil caltener les mesmes estructures de poder que si esto tuviera la forma d'una dictadura, el poder ta nes mesmes manes, los castigos aplíquense igual, lo perverso del sistema democráticu ye que provoca nel xeneral de la xente una ilusión de control, fai que les coses paezan mutables a los güeyos de la mayoría, fai creer qu'hai coses que son "antidemocrátiques", como la corrupción, como la endogamia política, etc. cuando son la esencia de la democracia, cuando la democracia ta amañanada pa que puea facese too eso con más facilidá, con menos peligru, que n'otra forma de gobiernu.
Nun quiero dicir con esto que los actures (nel sintíu artísticu de la palabra, los que representen l'espectáculu, non los que faen l'acción) como ZP, Areces o Rajoy tean enteraos de too esto, son otros que tan más arriba y que nun se dexen ver, que tan detrás de les cámares. ¿Sigués "Prision Break", esa idea de "la corporación" ye una semeya perguapa de como furrulen les coses.

Cueye a dos persones y aplíca-yos descargues llétriqes cada vez mayores. A una da-y un botón pa que lu aprete cuando nun aguante más, a la otra di-y que va tener qu'aguantar hasta el final: El botón nun val en realidá pa nada, pero la media de los que lu tienen apriétenlu cuando les descargues son bien mayores que cuando los otros entamen a glayar que por favor nun se siga.
Esti esperimentu ye real.

8:22 AM  
Anonymous Anonymous said...

Ahul!!!

Saludos! me encanta tu blog la verdad y como tratas las cosas desde tu punto de vista tan personal jejej. Soy Canario y me curro un blog un poco más serio: www.nacioncanaria.blogspot.com ahí te lo dejo pa que lo veas.

Si miras el primer mensaje de todos te cogeras un mosqueo seguro cuando veas de quien me copié jajajaj esperoq ue no tenga copyright, pero es que era un gran texto de presentación tio.

Mira, agregame a mi correo blognc@hotmail.com

VIVA ASTURIES Y CANARIAS LIBRe!

6:46 AM  

Post a Comment

<< Home