Doctor House

Esti testu atopelu pelos tableros d`anuncies d`Asturies.com. L`autor dexa abondo nidio que quier velu espardíu perdayuri, asina que velequí lu tenéis: el doctor House versión nacional.

"Esto ye una sinopsis d’un capítulu cualquiera de House, pa que rule.

(Unos mangüanes tan faciendo cualquier llabor)
- Pues esti añu’l Sporting va d’aventar el mexu y paezme que.... aghhhhhhhhh
- Guaje, ¿tas bien?
- Cof cof whaghh!
- Guaje, cago na puta que te parió, qué coyones te pasa!!!
- Cuack!
- Que dalguién m’eche un gabitu!!!!
TUUUUUUN TIIIINNNNNN.......... Ti Tiiiruuuriiiiiiiru... Ti Tiiiruuuriiiiiiiru....... DOCTOR.. HOUSE!!!
El CoxuCabrón ya`l Negru van caminando per un pasiellu del hospital. El CoxuCabrón nun tien mui bona cara.
Negru: El paciente sufrió una reacción alérxica a les aminotopotases calciformes de los sos calcetos.
CoxuCabrón: ¿El TAC amuesa niveles altos de churriminoácidos?
Negru: Non, ya los torrínidos tan en 14 miligramos per kilu.
CoxuCabrón: Que-y fagan una coyonoscopia pa ver si tien signos d’ostetinación.
Negru: ¿Quies dicir que tien chungopatitis? Sólo hai un casu ente un millón, nun tien nengún sentíu… Vamos mete-y cuarenta miligramos de cortisona.
CoxuCabrón: ¿Que non? Entós… ¿sabes tú por qué tien esa zuna de rascase la oreya de la manzorga?
Negru: ¿?¿¿?¿?¿?¿?¿?
CoxuCabrón: Entós que-y fagan la coyonoscopia. (Equí’l CoxuCabrón pégase un escakéu pa nun pasar consulta, y de pasu insulta a un probe pensionista que cotizó tola vida… y dempués)
Collaciu del Paciente: ¿Cuándo voi conocer al doctor House?
Negru: Bueno, val mas que nun lo fagas… la verdá ye que ye una persona mui ocupada
Paciente: Yo que taba tan contentu col Sporting esti añ… aggggghhhh
Negru: Sufre una parada cardiorrespiratoria!!! ¡¡¡20 miligramos de tritopotasa!!!!
Collaciu del Paciente: ¡¡Que la espicha!!! ¡¡¡Fai dalgo, boborolo!!!! (Meten-y un tubín pel gargüelu, puteenlu colos calambres y sálvenlu)
(El CoxuCabrón, el Negru, el Piju y la Wenorra tan nel despachu, soltando una montonera de palabros que nun t’enteres de ná)
Wenorra: Tuvo una reacción a los esteroides, nun pue ser una alerxa común.
CoxuCabrón: ¡Mui bien! ¿Dístete cuenta tu solina?
Wenorra pensando: Será manguán el CoxuCabrón esti…
CoxuCabrón: Yá vos dixe que tenía chungopatitis. Hai que face-y una punción llumbar a pelu y meté-y lexía en vena, pa que-y duela mas.
Toos a la vez: ¡Pero tas chifláu! ¡Si nun tien chungoloquesea pues matalu! (bla, bla, bla)
CoxuCabrón: ¡A rascala toos! (Ponen-y lo que diz el CoxuCabrón y al paciente da-y otru yuyu, otra vuelta a mete-y el tubín pel gargüelu y a mete-y un calambre que nin la Hidroeléctrica, mientes el collaciu del Paciente nun para de pegar glayíos)
CoxuCabrón: Bueno, paez ser que nun yera chungopatitis.
Entós el CoxuCabrón manda al Negru y al Piju a que revuelvan na casa del Paciente, dalgo mui normal que faen tolos médicos, too mui al estilu C.S.I. (los de la tele, non los d’equí, qu’esos van pa la cárcel) y nun ven ná de ná, pero ya que tan ehí, xinten daqué qu’atopen pela nevera, miren la pornografía que tien nel ordenata y mexen. (Dempués ponen al Piju y a la Wenorra ente tubos d’ensayu, pipetes y máquines que dan vueltes con munchos colorinos)
Paciente: Tais frayándome, cabrones.
Gran xefa maciza: ¡El Paciente ta fosforitu! ¡Vos la vais cargar!
(el CoxuCabrón pasa consulta cachondeándose de tou cristu) (Sala de la pizarrina)
Negru: El chute caberu que-y metimos en vena casique lu manda pa vistir el pixama de pino.
CoxuCabrón: Ye verdá, por eso sé que nun tenía la chorrada aquella que se m’ocurrió nesi momentu… ¿qué coyones tendrá esi mamón…? Queda mirando pal infinitu, pensando no que-y dixo anantes el collaciu sufridor.
CoxuCabrón: ¡Rascase la oreya de la manzorga! Va tener el síndrome diploide del llargatu moskeón.
Toos: Tas chifláu. Si eso namás lu tuvo un pinín na selva amazónica, na tribu de los pelupolla.
(esto demuestra que, anque namás lu tuvo ún en tol mundu, les universidaes furrulen y los médicos del plan mir nun estudien namás p’aprobar)
CoxuCabrón: Vamos a ver, Piju de los coyones… cuando tuviste en casa del Paciente ¿Nun dixiste qu’enriba de la tele tenía una figurina cola Virxen de Covadonga?
Piju: Si ¿y?
CoxuCabrón: ¿Paezte normal?
Piju: Home, si lo preguntes asina…
Wenorra: Tol mundu sabe qu’eses figurines vienen de china en pateres, colo que puen tar espuestes a los ácaros que desencadenen el síndrome diploide del llargatu moskeón.
CoxuCabrón: Mui bien, Wenorra, por eso te contraté… y porque presta asgaya mirar pa ti.
Negru: ¿Pero qué coyones fumasteis? ¡Qué va ser eso! Acabáis de inventalo… ¿Y en qué tiesta cabe qu’una cosa que-y pasó a ún de la tribu de los pelopolla llegue a los llibros de medicina de la universidá de Uvieu. ¿Soi yo l’únicu normal equí o qué?
El Piju a la so bola: De críu tuve nun internao, por eso garre-yos una tirria mortal a los curas…
Negru: ¿?¿?¿?¿?¿?¿?
CoxuCabrón: Tengo razón, que pa eso la serie se llama como yo, y vais dir toos a tomar pol culu.
(Y tien razón, porque a la cuarta acierta y el Paciente queda de luxu) Negru: Será coxu y cabrón. Wenorra: Si, pero acierta. TUUUUUUN TIIIINNNNNN.......... Ti Tiiiruuuriiiiiiiru... Ti Tiiiruuuriiiiiiiru....... (fundío en negru)"